អោយចាំយូរបន្តិចហើយហ្វេនៗ! ទីបំផុត Man United ប្រកាសផ្លូវការថាទិញបានកីឡាករដែលតាមអស់ពេលជាយូរ

ទីបំផុតក្លិបបិសាចក្រហម Manchester United បានបញ្ជាក់ជាផ្លូវការអំពីការចុះហត្ថលេខានាំយក Bryan Mbeumo បន្ទាប់ពីមានការអូសបន្លាយរយះពេលជាយូរមក។

បន្ទាប់ពីការចរចា និងបដិសេដសំណើរអស់ជាច្រើនលើកច្រើនសារមក Man United ទីបំផុតបានយល់ព្រមជាមួយក្លិប Brentford នូវសំណើរតម្លៃ 71 លានផោនសម្រាប់កីឡាករវ័យ 25 ឆ្នាំ Mbeumo ជាមួយនិងកុងត្រាដែលមានសុពលភាពរហូតដល់ទៅឆ្នាំ 2030។

ចំពោះសាមីខ្លួនកីឡាករវិញ គ្រាន់តែទទួលបានដំណឹងថាមានការចាប់អារម្មណ៍ Man Utd ភ្លាម កីឡាករកាមេរូនរូបនេះមិនបានគិតអ្វីច្រើននោះឡើយ ព្រោះបិសាចក្រហមគឺជាគោលដៅដ៏សាកសមក្នងបេះដូងរបស់គេផ្ទាល់ ហើយជឿជាក់ថាខ្លួនអាចជាចំណែកមួយក្នុងការជួយស្រោចស្រង់ព្រេងវាសនារបស់ក្រុមលោក Ruben Amorim៕