ករណី “ គ្រោះថ្នាក់ចរាចរណ៍“  រថយន្តក្រុមហ៊ុនវីរះរិទ្ធីត្រេនស្ព័ត ប្រភេទដឹកអ្នកដំណើរធុនធំ ម៉ាក KIA GRAN BIRD បណ្តាលឲ្យមនុស្សចំនួន ១៦នាក់ បានស្លាប់ (ស្រី ៩នាក់) របួសធ្ងន់ចំនួន ១៤នាក់ (ស្រី ៧នាក់) និងស្រាលចំនួន ១០នាក់ (ស្រី ២នាក់) ។ នេះបើយោងតាមរបាយការណ៍របស់សមត្ថកិច្ច។

ករណីគ្រោះថ្នាក់ចរាចរណ៍នេះ កើតនៅវេលាម៉ោង ០៣:៤០នាទី ថ្ងៃទី២០ ខែវិច្ឆិកា ឆ្នាំ២០២៥ ស្ថិតលើផ្លូវជាតិលេខ៦ ចន្លោះគីឡូម៉ែត្រលេខ ១៥២-១៥៣ ផ្លូវស្ពានអូរប្រាសាទ ឃុំកកោះ ស្រុកសន្ទុក ខេត្តកំពង់ធំ ។

របាយការណ៍ដដែលបានបញ្ជាក់ថា តាមការសន្និដ្ឋាន ករណីគ្រោះថ្នាក់ចរាចរណ៍ខាងលើបង្កឡើងដោយ អ្នកបើកបររថយន្តបើកក្នុងស្ថានភាពងងុយដេក ខ្ជីខ្ជាខ្វះការប្រុងប្រយ័ត្ន ។ 

រថយន្តបើកបរក្នុងទិសដៅពីជើងទៅត្បូង (សៀមរាប-ភ្នំពេញ) បានបើកបុកក្បាលស្ពានធ្លាក់ក្នុងទឹក ។ 

វត្ថុតាងរថយន្ត ០១គ្រឿង ស្ទូចយកទៅរក្សាទុកនៅអធិការដ្ឋាននគរបាលស្រុកសន្ទុក ។ ចំពោះសពះ សមត្ថកិច្ចដឹកជញ្ជូនទៅតំកល់ទុក នៅវត្តកកោះស្រុកសន្ទុកបណ្តោះអាសន្ន បន្ទាប់មកបានធ្វើកំណត់ហេតុប្រគល់ជូនក្រុមគ្រួសារ និងកំពុងស្រាវជ្រាវរក សាច់ញ្ញាតិមកទទួលដើម្បីយកទៅធ្វើបុណ្យតាមប្រពៃណី