ភ្នំពេញ ៖ មេដឹកនាំគណបក្សនយោបាយដែលជាស្ត្រី ថ្កោលទោសយ៉ាងធ្ងន់ធ្ងរ ចំពោះអំពើគួរឲ្យស្អប់ខ្ពើម និងស្មោកគ្រោក របស់ទាហានឈុតខ្មៅថៃចំនួន៧នាក់ ដែលបានចាប់រំលោភបូកយ៉ាងព្រៃផ្សៃលើពលករចំណាកស្រុកជាស្រី្តខ្មែរម្នាក់ អាយុ១៨ឆ្នាំ នាយប់ថ្ងៃទី១៥ ខែវិច្ឆិកា ឆ្នាំ២០២៥ នៅពេលដែលត្រឡប់ពីប្រទេសថៃមកកម្ពុជាវិញ។

លោកជំទាវ ម៉ៅ សារឿន អនុប្រធានគណបក្សអភិវឌ្ឍន៍កម្ពុជា បានមានប្រសាសន៍ថា គណបក្សអភិវឌ្ឍន៍កម្ពុជា សូមថ្កោលទោសយ៉ាងធ្ងន់ធ្ងរ ចំពោះអំពើគួរឲ្យស្អប់ខ្ពើម និងស្មោកគ្រោក របស់ទាហានឈុតខ្មៅថៃចំនួន៧នាក់ ដែលបានចាប់រំលោភបូកយ៉ាងព្រៃផ្សៃលើពលករចំណាកស្រុកជាស្រី្តខ្មែរម្នាក់ អាយុ១៨ឆ្នាំ នាយប់ថ្ងៃទី១៥ ខែវិច្ឆិកា ឆ្នាំ២០២៥ នៅពេលដែលត្រឡប់ពីប្រទេសថៃមកកម្ពុជាវិញ។ទង្វើរបស់ទាហានឈុតខ្មៅថៃនេះ គឺជាបទ ឧក្រិដ្ឋ និងជាការរំលោភសិទ្ធិមនុស្សយ៉ាងធ្ងន់ធ្ងរ ដែលត្រូវផ្តន្ទាទោសដោយគ្មានការលើកលែង។
.....សម្លេង...

ចំណែកលោកជំទាវ ពោធិតី សាវត្ថី ប្រធានគណបក្សធម្មាធិបតេយ្យបានមានប្រសាសន៍ថា គណបក្សធម្មាធិបតេយ្យ សូមថ្កោលទោសយ៉ាងធ្ងន់ធ្ងរ ចំពោះអំពើគួរឲ្យស្អប់ខ្ពើម និងស្មោកគ្រោក របស់ទាហានឈុតខ្មៅថៃចំនួន៧នាក់ ដែលបានចាប់រំលោភបូកយ៉ាងព្រៃផ្សៃលើពលករចំណាកស្រុកជាស្រី្តខ្មែរម្នាក់ អាយុ១៨ឆ្នាំ នាយប់ថ្ងៃទី១៥ ខែវិច្ឆិកា ឆ្នាំ២០២៥ នៅពេលដែលត្រឡប់ពីប្រទេសថៃមកកម្ពុជាវិញ។យោធាថៃ ទាហានឈុតខ្មៅថៃ បានប្រព្រឹត្តអំពើបំពានច្បាប់ និងខុសច្បាប់ ជាបន្តបន្ទាប់ មកលើប្រជាពលរដ្ឋកម្ពុជា ដែលមានលក្ខណៈព្រៃផ្សៃ ឃោរឃៅ និងអមនុស្សធម៌ ព្រមទាំងផ្ទុយទាំងស្រុងនឹងច្បាប់សិទ្ធិមនុស្ស និងច្បាប់មនុស្សធម៌អន្តរជាតិ។
...សម្លេង...

មេដឹកនាំគណបក្សនយោបាយទាំងពីរនេះ ក៏បានស្នើឲ្យអាជ្ញាធរមានសមត្ថកិច្ចថៃចាត់វិធានការជាបន្ទាន់ ដើម្បីនាំយកឧក្រិដ្ឋជនមកផ្តន្ទាទោសតាមច្បាប់ ព្រមទាំងផ្តល់យុត្តិធម៌ និងសំណងផ្សេងៗដល់ជនរងគ្រោះ។ ហើយស្នើសុំឲ្យសហគមន៍អន្តរជាតិ អង្កការសិទ្ធិមនុស្សអន្តរជាតិ និងអង្កការអន្តរជាតិពាក់ព័ន្ធ មេត្តាជួយជំរុញដល់ភាគីថៃឲ្យគោរពតាមកាតព្វកិច្ចរបស់ខ្លួនក្រោមច្បាប់សិទ្ធិមនុស្សអន្តរជាតិជាធរមាន៕