ការណីដេញកាប់ប្លន់យកម៉ូូតូជនរងគ្រោះ : ចាប់ខ្លួនមនុស្ស ៥នាក់
កំពង់ស្ពឺ ៖ ដោយបានការចង្អុលណែនាំដ៏ខ្ពង់ខ្ពស់ ពីលោកឧត្ដមសេនីយ៍ទោ ឃឹម សុកខៃ ស្នងការ នៃស្នងការដ្ឋាននគរបាលខេត្ដកំពង់ស្ពឺ អនុវត្ដករណីកំហែងយកដោយមានអាវុធ(កាប់ប្លន់)ថ្ងៃទី៧ ខែកញ្ញា ឆ្នាំ២០២៥ ជនរងគ្រោះឈ្មោះ សាត រស់ ភេទប្រុស អាយុ២៣ឆ្នាំ នៅភូមិពង្រ ឃុំតាំងក្រូចស្រុកសំរោងទង បានជិះម៉ូតូ១គ្រឿងម៉ាកហុងដាសេ១២៥ពណ៍ខ្មៅឆ្នាំ២០១៩ ផ្លាកលេខកណ្ដាល 1AE-7272 ចេញពីផ្ទះមិត្ដភ័ក្ភនៅភូមិក្រាំងពោធិ៍ ឃុំអូរ ស្រុកភ្នំស្រួច តាមផ្លូវជាតិលេខ៤ ពីលិចទៅកើតដល់គីឡូម៉ែត្រ៥៦-៥៧ ភូមិពង្រធំ ឃុំកាហែង ស្រុកសំរោងទង មានក្រុមជនសង្ស័យចំនួន៥នាក់ជិះម៉ូតូ២គ្រឿងតាមមកពីក្រោយបានយកកាំបិតផ្គាក់ ខ្វេវដងដែក គំរាមកាប់មកលើខ្លួន ពេលនោះខ្លួនមានការភ័យខ្លាចក៏បានផ្ដួលម៉ូតូចោលរួចរត់តែម្ដង ចំណែកម៉ូូតូត្រូវក្រុមជនល្មើសលើកជិះគេចខ្លួនតែម្ដង។ 
តាមការឲ្យដឹងពីលោកវរសេនីយ៍ឯក ឃុត សុផល អធិការស្រុកសំរោងទង ក្រោយទទួលបានព័ត៌មាន បានចាត់កម្លាំងជំនាញព្រហ្មទណ្ឌស្រុកចុះសហការជាមួយកម្លាំងប៉ុស្ដិ៍នគរបាលរដ្ឋបាលកាហែង ប៉ុស្តិ៍នគរបាលរដ្ឋបាលធម្មតាអរ និងកំលាំងអធិការដ្ឋាននគរបាលស្រុកភ្នំស្រួច ចេញអន្តរាគមន៍ភ្លាមៗរហូតកំណត់មុខសញ្ញាបាននិងធ្វេីការស្ទាក់ឃាត់មុខសញ្ញាបាន៥នាក់ នៅចំណុចភូមិប្រាសាទ ឃុំមហាសាំង ស្រុកភ្នំស្រួច ផ្លូវក្រាលកៅស៊ូត្រពាំងអោប ទៅឃុំព្រៃក្មេង ស្រុកភ្នំស្រួច ៖ ១-ឈ្មោះ យ៊ាំង សុភ័ស ប្រុស ២០ឆ្នាំ ២-ឈ្មោះ យ៊ាំង ភា ប្រុស ១៨ឆ្នាំ ៣-ឈ្មោះ ឆិល មករា ប្រុស ១៥ឆ្នាំ ៤- ឈ្មោះ អ៊ុំ ចាន់ដេត ប្រុស ១៤ឆ្នាំ ៥- ឈ្មោះ ទឿង វាសនា ប្រុស ១៤ឆ្នាំ បក្ខពួកប្លន់ម៉ូតូខាងលើជាមុខសញ្ញាចាស់ធ្លាប់កាប់ប្លន់យកម៉ូតូកាលថ្ងៃទី៣១ ខែសីហា ឆ្នាំ២០២៥ ផ្លូវជាតិលេខ៤ គីឡូម៉ែត៦៧-៦៨នៅចំណុចភូមិត្រពាំងអត់ទឹកឃុំគីរីវន្ត ស្រុកភ្នំស្រួច ។ 
សមត្ថកិច្ចដកហូតបានម៉ូតូ៣គ្រឿង របស់ជនរងគ្រោះ ២គ្រឿងរួមជាមួយកាំបិតផ្គាក់ ខ្វេវដងដែក១ នឹងទូរស័ព្ទដៃ២គ្រឿង បច្ចុប្បន្នបានបញ្ជូនមកកាន់អធិការដ្ឋាននគរបាលស្រុកបំពេញនីតិវិធី ដេីម្បីកសាងសំណុំរឿងបញ្ជូនទៅការិយាល័យព្រហ្មទណ្ឌធ្ងន់ ចំណាត់ការតាមផ្លូវច្បាប់៕
